БИШКЕК, 26-мар. — Sputnik. Эртең, 27-мартта, өлкө аймагында жаан жаап, бийик тоолуу жерлерге кар түшөт. Бул тууралуу Кыргызгидромет билдирди.
Ага ылайык,батыштан соккон шамалдын ылдамдыгы секундасына 4-9 метр, айрым жерлерде 15-20 метрге чейин жетет.
Ош, Жалал-Абад жана Баткен аймактарында абанын температурасы күндүзү 11…16, Ысык-Көлдө 7…12, Нарында 2…7, Чүй менен Таласта 8…13 градуска чейин чейин жылуу болот.
