БИШКЕК, 25-мар. — Sputnik. Кыргызстандык режиссер Актан Арым Кубаттын "Кентавр" тасмасы Бельгияда өтө турган эл аралык кинофестивалга чакыруу алды. Бул тууралуу Кинематографияны колдоо фондусу билдирди.
Маалыматка ылайык, иш-чара 18-30-апрель күндөрү Тюрнхаут жана Брюгге шаарларында өтөт.
"Бельгия Берлианале фестивалында дүйнөлүк премьерасы өткөн "Кентавр" фильмин чакырган алгачкы мамлекет", — деп айтылат маалыматта.
Эскерте кетсек, аталган тасманын улуттук премьерасы 31-мартка белгиленген.
