Sputnik Кыргызстан агенттигине ӨКМ алдындагы Кыргыз гидрометеорология агенттигинин директорунун орун басары Рыскелди Асанкожоев метеорологдордун түйшүктүү жумуштары туурасында айтып берди.
Ал билдиргендей, тоолуу аймакта гидрометеорология жаатында иштегенде өздөрү пенсияга чыкканда кызматын баласына, неберелерине өткөрүп берет. Антпесе ал жакка барып иштөөгө суроо талап жок.
"СССР убагында Кырыгызстандын аймагында 70ден ашуун метеостанция, 140 гидропост, 8 кар көчкү станциясы болгон. Анда иштеген кызматкерлердин саны 1500гө жетчү. Бир тобу каражаттын жоктугунан иштебей калган. Бир учурларда Кыргызгидромет агенттиги жабылып калуу коркунучунда эле. Эми кайрадан жанданып, автоматтык станциялар курулуп, кызматкерлердин айлыгы жогорулап жатат" — деди Асанкожоев.
Ошондой эле ал айлыгы аз болгондуктан жаш адистер бул жакта иштеп үйрөнүп тажрыйба топтоп алып, кызмат акысы жогору турган уюмдарга же чет өлкөлөргө кетип каларын айтты.
