Бишкектеги 47 конуштун 42синде мыйзамсыз салынган үйлөрдүн кайсынысы мыйзамдашып, кайсынысы жок кылына тургандыгы тууралуу мыйзам долбоору Жогорку Кеңешке жөнөтүлгөнүн Sputnik Кыргызстан агенттигине Бишкек мэриясынын жерди колдонуу жана курулуш башкармалыгынын директору Талант Иманкул уулу билдирди.
"2005-2010-жылдары мыйзамсыз салыган 6382 турак жай бар. Алардын ичинен 3,5 миңин мыйзамдаштырса болот деп "Бишкекбашкыархитектурасынын" берген корутундусу менен атайын комиссия чечим чыгарган. Бул боюнча Бишкек шаарынын Жеке турак жай курулуш департаменти долбоор иштеп чыгып, Жогорку Кеңешке жиберген. Парламент кайсынысына уруксат берсе, ошол жерди мыйзамдаштырабыз", — деди Иманкул уулу.
Маалыматка караганда аталган курулуштарды инвентаризацилоо иштери акыркы жолу 2010-жылы жүргүзүлгөн.
