БИШКЕК, 23-мар. — Sputnik. Быйыл жер планетасында адаттан тыш ысык аба ырайы болору божомолдонуп жатканын Дүйнөлүк метеорология уюмунун адистери билдирүүдө.
"2016-жылы тарыхта эң ысык аба ырайы катталган. Аны менен катар эле океандардын деңгээли көтөрүлүп, абадагы көмүр кычкыл газынын курамы жогорулап жатат. Быйыл мындай тенденция ого бетер күчөйт", — деп уюмдун жарыялаган билдирүүсүндө айтылат.
Дүйнөлүк климат программасынын жетекчиси Дэвид Карлсон мындай көрүнүш метеорологдордун "акылына да сыйбай" жатканын маалымдады.
"Биз улам жаңы кубулуштарга кабылып жатабыз", — деди ал.
2017-жылы эле температуралык бир нече рекорддор катталган. Мисалы, АКШнын аймагында жыл жаңыргандан бери 11 миң рекорд болгон.
