Мындай башаламандыкка милиция кызматкерлеринин шалаакылыгы себеп болгонун мелдешти уюштурган КРдин "Көк-Бөрү" федерациясынын аткаруучу директору Султан Мелис Sputnik Кыргызстан агенттигине билдирди.
"Тартипти сактоо жагынан көзөмөл кылып бергиле деп ИИМден суранганбыз. Бирок милиция кызматкерлери эл менен кошо оюнду көрүп жатты. Негизи эле биз өткөргөн оюндарга келгендердин үчтөн бир бөлүгү гана билет менен киргендер болот. Мисалы, биз 500 билет саткан мелдеште 2 миң адам отурганын көрөсүң. Мунун баары ипподромго кире турган тешиктердин көптүгүнөн. 200 сомдон билет сатылган оюндарга кайтарып тургандар 100 же 50 сомдон киргизип ийишет", — деди аткаруучу директор.
Ошондой эле ал Нооруз күнкү оюнга беш миң билет жасалса, анын 4500ү сатылганын кошумчалады.
