Актан Арым Кубат: "Кентавр" тасмасынын өзөгү болгон окуядан алынган
"Кентавр" тасмасынын сценарийи болгон окуядан алынган. Бул тууралуу Sputnik Кыргызстан агенттигине кинонун режиссеру Актан Арым Кубат билдирди.
Анын айтымында, тасманы тартууга Германия, Япония, Франция жана Нидерланд мамлекеттери катышкан.
"Тасманын өзөгү болгон окуядан алынган. Кыргыздын жылкыга жасаган мамилеси, үй-бүлөдөгү жоопкерчилик, дин, сүйүү — башкысы жөнөкөй жашоо тууралуу чагылдырылган", — деди режиссер.
"Кентаврдын" улуттук премьерасы 31-март күнү Бишкек шаарында болот.
Эске сала кетсек, фильм Берлин кинофестивалында байгеге татыган.
