БИШКЕК, 21-Мар. — Sputnik. Кыргызстанда жаш балдарды кантип тойгузуп жатканын Улуттук статистика комитети эсептеп чыккан. Ага ылайык, акыркы учурда абал начарлап кеткен.
Бирден үч жашка чейинки балдар арасында орточо суткалык килокалорий 1318ден 1245ке чейин кыскарган. Белгилей кетчү жагдай, суткалык норма бир жарым миң килокалорийден ашык болушу шарт.
Маалыматка ылайык, жаш балдарга белок аз берилип жатат. Башкача айтканда сунушталган 62 граммдын 34ү гана берилүүдө. Ошондой эле майлар дагы азайып кеткен: орточо статистика менен ар бир бала сунушталган 59 грамм майдын 33үн гана жеткиликтүү. Статистика боюнча Ош жана Талас облустарында жакшыраак шарттар каралса, Бишкек башка региондордон артта калган. Борбор калаанын жаш балдары сунушталган килокалорийдин жарымын гана алары айтылат.
