Сапар Исаков: кыргыздар эч качан кул болгон эмес, эч качан кул болбойбуз

Кыргыз эли эч качан кул болгон эмес, эми дагы кул болбойт. Бул тууралуу президент аппаратынын жетекчиси Сапар Исаков Боспиекке барып, эл менен болгон жолугушууда айтты.

Атка минер аксылыктар элдин аң-сезимин, духун ойготконун айтып, демократияга жол ачылганын белгиледи.

"Бул байлыкты ата-бабаларыбыз сактап келсе, жаңы тарыхта аны сиздер сактап калдыңыздар. Азыр коңшу мамлекеттер менен теңата мамиле түзүлүп, президент Алмазбек Атамбаевдин жетекчилиги менен Кыргызстандын 2040-жылга чейинки багыты аныкталган концепция иштелип чыгууда. Кыргызстан күчтүү, өнүккөн мамлекетке айланат", — деди Исаков.

Сөзүнүн соңунда президенттик аппараттын жетекчиси элге тынчтык, ден соолук каалады.