Бакай Алиев: Кыргызстанда кышында дарбыз бышарына ишенген эмесмин
Адистер анча ишене бербегенине карабай, Араван районундагы Рахим аттуу дыйкан өз күнөсканасында 60ка чукул дарбыз өстүрө алганын күнөскана жаатындагы адис Бакай Алиев Sputnik Кыргызстан агенттигине билдирди.
"Кесиптешим күнөсканада дарбыз өстүрүү идеясын айтып, кеңеш сураганда, мен бул иштин ийгилигине ишенген эмесмин. Анткени ысыкты сүйгөн дарбызды сентябрь айынын аягында өстүрөм деп чечкен. Бактыга жараша, эмгеги акталып, бир сотых жерге айдаган дарбыздары жаңы жылдын алдында түшүм берди", — деди Алиев.
Маалыматка караганда, дыйкан дарбызды өстүрүүгө 8 миң сом жумшап, аны сатуудан 30 миң сом пайда көрдү.
