Кыл чайнашкан мезгилде экономиканы унутпайлы. Бул тууралуу "Өнүгүү — Прогресс" фракциясынын лидери Бакыт Төрөбаев парламентте ар кандай маселелер каралып жатканда билдирди.
Эске сала кетсек, ЖКнын жыйыны башталбай жатып "Ата Мекен" фракциясынын депуттары ортосунда вице-спикер Данияр Төлөнов, "Республика — Ата-Журт", КСДПчы депутаттарынын ортосунда чыр чыкты.
"Кыл чайнашкан мезгилде экономиканы унутпайлы. Бюджеттин толбой жатканы — экономиканын төмөндөшүнүн коңгуроосу. Кыргыз-орус өнүгүү фонду тар чөйрөгө иштеп, колунда бар адамдарга гана кызмат кылып калды. Фонд акчасын өлкөгө берип, ЕАЭБ базарына биздин экономика адаптация болушу керек эле, андай болбой жатат", — деди Төрөбаев.
Эл өкүлү фонддун тарабынан акча берүү саясатын өзгөртүү керектигине токтолду.
