БИШКЕК, 16-мар. — Sputnik. АКШ башка өлкөлөргө жардамын кыскартканы менен мамлекеттик департаменттин дипломатиялык функциялары ошол бойдон сакталат. Бул тууралуу Ак үйдүн административдик бюджет боюнча башкармалыгынын директору Мик Малвейни маалымдаганын РИА Новости агенттиги жазып чыкты.
"Мамлекеттик департамент боюнча бюджет кескин кыскарарын көрөсүңөр. Президент чет өлкөлөргө жардамды аз сарптасак ал каражаттарды өзүбүз колдонууга өтөбүз деп айтты. Андыктан бул саясатты ишке ашырсак, чет өлкөгө жардам кыскартылат", — деп билдирди Малвейни.
Буга чейин Wall Street Journal журналы мамлекеттик департамент жана Эл аралык өнүктүрүү агенттигинин (USAID) бюджетин 37 пайызга кыскартуу сунушталып жатканын жазган. Бул маалыматты Ак үйдөн тастыктап, бирок канчага кыскартылары так айтылган эмес. Мамлекеттик департаменттин жана Эл аралык өнүктүрүү агенттигинин бюджети болжол менен 50 миллиард долларга жетип, федералдык бюджеттин бир пайызын түзөт.
