БИШКЕК, 15-мар.— Sputnik. Каракол жазында лыжа тээп балдар менен чогуу эс алууга боло турган анча кымбат эмес алдыңкы он шаардын ичине кирди. Бул тууралуу RoomGuru.ru мейманканаларды издөө сервисинде жарыяланды.
Ага ылайык, туристтер Караколдо эс алуу үчүн суткасына орточо 95 доллар сарптайт. Анын ичине тамак-аш, жатакана жана тоо лыжа базасынын кызматтарын колдонуу кирет.
Каракол менен бирге бул тезмеге Шерегеш (Кемерово облусу), Ливиньо (Италия), Чимбулак (Казакстан), Хибины (Мурманск облусу), Шахдаг (Азербайжан), Бобровый лог (Красноярск), Белокуриха (Алтай крайы), Солнечная долина (Челябинск облусу) жана Цахкадзор (Армения) шаарлары кирген.
Рейтинг 25-марттан 31-мартка чейин мейманканалардын брондолуусун эске алып түзүлгөн.
