БИШКЕК, 10-Мар. — Sputnik. Жогорку Кеңештин аппарат жетекчиси Абдыманап Кутушев кызматтан кетти. Бул тууралуу Жогорку Кеңештин аппаратынан билдирди.
Эске сала кетсек, Жогорку Кеңештин Эл аралык иштер, коргоо жана коопсуздук боюнча комитети Абдыманап Кутушевди кызмат ордунан бошотууну талап кылган. Мунун себебин алар Кутушевдин чет өлкөлөргө болгон негизсиз сапарлары менен байланыштырышып, кызматка дайындалгандан бери 10 ай ичинде сегиз жолу чет өлкөгө барганын айтып чыгышкан.
Маалыматка ылайык, Кутушев өз ыктыяры менен арыз жазып, ага төрага Чыныбай Турсунбеков кол койду.
