ЖК комитети парламенттин аппарат башчысын кызматтан кетирүүнү талап кылууда

© Фото / пресс-служба ЖК КРПарламенттин аппарат башчысы Абдыманап Кутушевдин архивдик сүрөтү
Парламенттин аппарат башчысы Абдыманап Кутушевдин архивдик сүрөтү - Sputnik Кыргызстан
Жазылуу
Кутушевдин чет өлкөлөргө болгон сапарлары негизсиз деп табылып, аны ЖК комитети кызматтан алуу чечимин чыгарды.

БИШКЕК, 7-мар.— Sputnik. Жогорку Кеңештин Эл аралык иштер, коргоо жана коопсуздук боюнча комитети парламенттин аппарат башчысы Абдыманап Кутушевди кызмат ордунан бошотууну талап кылууда.

Комитеттин мүчөсү, "Республика — Ата-Журт" фракциясынын депутаты Акылбек Жаманкулов маалымдагандай, Кутушевди эки күндүн ичинде кетирүү боюнча чечимди Жогорку Кеңештин спикерине жөнөтүшкөн.

Комитет бул маселени жабык түрдө караган. Мунун себебин алар Кутушевдин чет өлкөлөргө болгон негизсиз сапарлары менен байланыштырышкан.

Жогорку кеңештеги депутаттын жумуш орду, архивдик сүрөт - Sputnik Кыргызстан
Кресло, намазкана жана компьютер: Жогорку Кеңеш кандай белектерди алган?
"10 ай ичинде аппарат башчысы сегиз жолу чет өлкөгө барган. Бул сапарлардын анын ишмердүүлүгүнө эч тиешеси жок. Кутушевдин жумушка келиши менен анын консультанттары, катчылары өзүнчө чет жактарга барып келишти. Бул жагдайда ал Жогорку Кеңеште иштеген 10 жылдан бери Алматыга барбагандар бар экенин эске алуусу керек болчу", — деди эл өкүлү.

Ошондой эле бул чечимде Башкы прокуратурага Кутушевдин учурундагы Жогорку Кеңештин аппаратынын документтерин жана каржы-чарбалык жагын текшерүүнү тапшыргандыгы да жазылган.

"Эгер спикер эки күндүн ичинде чечим чыгарбаса, анда бул маселени биз пленардык жыйынга алып чыгабыз", — деди Жаманкулов.

Депутат Кутушевдин Камбоджада өткөн IP-технология боюнча маселе каралган иш-чарага өзү барганын айтып мисал келтирди.

"Ал атайын адис жана депутат катыша турган иш-чарага өзү барган. Кутушевдин өзү депутаттардын суроолоруна жооп берген эмес", — деди эл өкүлү.

Азырынча Кутушев менен байланышуу мүмкүн болбой жатат. Экс-депутат парламенттин аппарат жетекчиси болуп былтыркы жылдын май айында дайындалган.

Жаңылыктар түрмөгү
0