Аң-чөнөктөн улам жол кырсыгы болуп, бирөөнүн жамбашы сынып, төртөөнүн мээси чайкалды

Жазылуу
Борбор калаадагы Алма-Ата көчөсүндө эки автоунаа кагышты. Алдын ала маалыматтар боюнча окуя көчөдөгү жолдордун начардыгынан болгон.

БИШКЕК, 9-мар. — Sputnik. Жол кырсыгынын айынан төрт кишинин мээси чайкалып, жабыркаганын Бишкек ШИИБдин Кайгуул милициясы билдирди.

Маалыматка ылайык, окуя шаршемби күнү саат 22.50лөр чамасында катталып, Honda Accord менен Nissan Cefiro машиналары кагышкан. Эки автоунаа тең түштүк багытты көздөй бара жаткан.

Honda үлгүсүндөгү машинанын айдоочусунун баш мээси чайкалып, жамбашы сынган. Андан сырткары анын ичиндеги бардык жүргүнчүлөрдүн да мээси чайкалып калган. Алардын баары ооруканага жеткирилди. Nissan машинасынын айдоочусу эч кандай жаракат алган эмес.

"Алдын ала маалымат боюнча кырсык көчөдөгү аң-чөнөктөрдөн улам болгон. Жолдун начарлыгы мындай окуялардын көп болушун шарттоодо", — деп Кайгуул милициясынын маалымат кызматы билдирди.

Катталган кырсык боюнча бардык экспертизалар жасалууда.

Жаңылыктар түрмөгү
0
Алгач жаңыларыАлгач эскилери
loader