БИШКЕК, 7-мар. — Sputnik. Казакстандын премьер-министри Бакытжан Сагинтаев Евразия экономикалык биримдигинин өкмөттөр аралык кеңешинин жыйынында анын өлкөсү Кыргызстандын ЕАЭБге көнүшүүсү үчүн каражат бөлөрүн айтты.
Казакстандын премьер-министри Бакытжан Сагинтаев Евразия экономикалык биримдигинин өкмөттөр аралык кеңешинин жыйынында
Анын айтымына караганда, 6-мартта Кыргызстандын премьер-министри Сооронбай Жээнбеков менен биргеликте тиешелүү протоколго кол коюлган.
"Буга чейин 100 миллион доллар бөлүнөрү айтылган, бирок учурда 41 миллион доллар бөлүнөрү документтин негизинде ырасталды. Биз кагаздарга кол коюу менен ратификация процессин өткөрүп, каражатты которууга даярбыз", — деди Казакстандын премьер-министри.
Ал ошондой эле 1-январдан тарта Кыргызстандан Казакстанга экспорттой турган товарлардын түрлөрү көбөйгөнүн билдирди.
