БИШКЕК, 6-мар. — Sputnik. Түндүк Корея Япон деңизинин үстүнөн баллистикалык төрт ракета учургандыгын Түштүк Кореянын аскер бийлиги тастыктады. Бул туурасында РИА Новости Рёнхап агенттигине шилтеме кылып кабарлады.
"Биздеги болгон маалыматтарга караганда Түндүк Корея баллистикалык төрт ракета учурду", — деп билдирген аталган агенттикке Түштүк Кореянын Аба күчтөрүнүн башкы штабынын жетекчиси.
Буга чейин Түндүк Корея дагы төрт ракетаны сынаганы тууралуу маалыматтар пайда болгон.
Япония өкмөтү Түндүк Кореянын батыш тарабынан учурулган төрт ракетанын үчөө алардын экономикалык аймагына түшүп, аба жана деңиз кемелерине кооптуулук жараткандыгын билдирди.
Түштүк Кореянын Аба күчтөрүнүн башкы штабынын жетекчилигинин айтымына караганда, ракеталар Япон деңизин карай Пхёнан-Пукто провинциясынан атылган.
Пхеньяндын бул сапар сынаган ракеталары Түштүк Кореяда өтүп жаткан Америка-Корея ири машыгууларына туура келди. Кореянын элдик армиясынын башкы штабы бул окууларга карата жооп иретинде бир катар маневрларды жасоого мажбур болорун билдиргени кабарланды.
12-февралда Пхеньян орто радиуста аракетке келе турган баллистикалык ракеталарды сынаган.
