Каракол шаарынын асфальт төшөлгөн көчөлөрүнө топурак төгүлүүдө
Каракол шаарынын асфальт төшөлгөн көчөлөрүнө топурак төгүлүүдө
Sputnik Кыргызстан
Бул топурак жаан жааса кайра эле агып кетерин шаардык Жол чарба ишканасынын өндүрүш башкаруучусу Бакыт Барыктабасов кошумчалап, эгер ал тапталганга чейин күн... 03.03.2017, Sputnik Кыргызстан
Бул топурак жаан жааса кайра эле агып кетерин шаардык Жол чарба ишканасынын өндүрүш башкаруучусу Бакыт Барыктабасов кошумчалап, эгер ал тапталганга чейин күн жаабай турса көпкө чейин чыдарын баса белгиледи.
БИШКЕК, 3-мар. — Sputnik. Каракол шаарынын калбыр болуп калган көчөлөрүнө Жол чарба ишканасы шагыл аралашкан топурак төгүп жатат. Бул тууралуу шаардык Жол чарба ишканасынын өндүрүш башкаруучусу Бакыт Барыктабасов Sputnik Кыргызстан агенттигине билдирди.
Белгилей кетсек, буга чейин Ысык-Көл облусунун Каракол шаарынын тургундары калаанын асфальт төшөлгөн көчөлөрүнө топурак төгүп жатканын айтышкан.
Барыктабасовдун айтымында, алар мындай чарага аргасыздан барышууда.
Барыктабасовдун айтымында, алар мындай чарага аргасыздан барышууда.
"Мурун башка материалдар менен кылып көрдүк, бирок алар 2-3 күнгө чейин гана чыдады. Облустук жол чарба ишканалары жолго Жыргалаңда чыккан шагыл аралаш топуракты көп колдонот экен. Бизге да колдонуп көргүлө деп сунуштагандан кийин ушундай кылып жатабыз. Топурак аралаш шагыл Пржевальский, Токтогул, Кыдыр аке көчөлөрүнүн жол чырак турган кесилиштерине төгүлөт. Азыр машиналар тротуарлар менен жүрө баштады. Ошондой эле Торгоев атындагы кыска көчөгө ушундай топурак төгүлөт", — деди ал.
Барыктабасов топурак жаан жааса кайта эле агып кетерин кошумчалап, эгер ал тапталганга чейин күн жаабай турса көпкө чейин чыдарын баса белгиледи.
Ал ошондой эле шаардын "Зеленстрой" ишканасына арыктарды тазалоо тапшырмасы берилгенин айтты. Себеби арыктарга батпай калган суу ашып-ташып жолду бузууда.
Барыктабасов топурак аралаш шагылды карьерден бекер алып жатканын, аны ташып келүүгө кеткен күйүүчү майдын чыгымын өздөрү көтөрүп жатканын айтты.
