БИШКЕК, 1-мар. — Sputnik. Президент Алмазбек Атамбаев билим берүү жана илим министри Гүлмира Кудайбердиеваны кабыл алганын өлкө башчынын маалымат кызматы билдирди.
Жолугушууда өлкөдө билим берүүнүн сапатын жогорулатууга багытталган иштер тууралуу сөз болгон.
Кудайбердиева билим берүүнүн жеткиликтүүлүгүн, мугалимдердин билимин арттыруу, мектептерди китеп менен камсыздоо боюнча жүрүп жаткан иштер боюнча маалымат берди.
Өз кезегинде Атамбаев айрым аймактардагы мектептерге окуучулардын батпай жатканын айтып, мектептерди курууга жана оңдоого бөлүнгөн каражаттарды тыкыр көзөмөлдөө керектигин баса белгиледи.
