БИШКЕК, 28-фев. — Sputnik. Ысык-Көл облусунун Корумду айылында тралдан кулаган экскаватор жолдун жээгинен бир нече күндөн бери алынбай жаткандыгын Sputnik Кыргызстан агенттигине күбө билдирди.
Азырынча кырсык качан болгондугу жана жабыр тарткандар жөнүндө так маалымат жок.
Жергиликтүү тургундардын айтымында, бир нече күн мурун экскаватор техниканы ташып бара жаткан тралдан кулап түшкөн.
Ал эми Ысык-Көл ОИИБинин маалымат кызматы Sputnik Кыргызстан агенттигинин кабарчысына окуя бир нече күн мурун болгонун ырастады.
"Маалыматтарга караганда, техника 2-5 күн мурда кулаган. Ошондон бери жол жээгинде жатат. Бизге бул боюнча эч ким кайрылган эмес. Азыр маалыматты тактап жатабыз", — деди маалымат кызматынын өкүлү.
Ал эми Кайуул милициясы бул маалыматты иликтеп жаткандыгын билдирди.
