БИШКЕК, 28-фев. — Sputnik. Токтогул Сатылганов атындагы улуттук филармониянын чыгармачыл жамааты аялдардын эл аралык майрамына карата "Ак элечек, аруу тилек асыл жар, ай-ааламдын сулуулугу — айымдар" аттуу концерт тартуулай турганын аталган мекеме билдирди.
Маалыматка ылайык, иш-чара сегиз күнгө созулуп, анда сегиз топко бөлүнгөн артисттер сегиз тилде ырдап, жандуу концерт коймокчу.
Ага Кыргыз эл артисттери, Токтогул атындагы мамлекеттик сыйлыктын лауреаттары, белгилүү ырчылар катышат.
