БИШКЕК, 27-фев. — Sputnik. НАСА изилдөө борбору марс планетасынын "жүрөгү" делген аймактын сүрөтүн жарыялады. Бул тууралуу РИА Новости жазып чыкты.
Аталган сүрөт Mars Reconnaissance Orbiter космостук аппаратынын бортуна тагылган Imaging Science Experiment (HiRISE) камерасынын жардамы менен тартылган.
Окумуштуулар бул сүрөткө марс планетасынын "жүрөгү" деп жазышты. Анткени сүрөттөн кызыл планетанын негизги тоо тектерин көрүүгө болот.
