БИШКЕК, 23-фев. — Sputnik. Бишкекте Шабдан баатыр менен Ахунбаев көчөлөрүнүн кесилишиндеги айлампада тестиер баланы унаа коюп кеткенин Sputnik Кыргызстан агенттигине окуянын күбөсү айтып берди.
"Кырсык болжол менен саат 12.00дө болгон. Баланы Тез жардам алып кетти", — деди ал.
102 кызматы аталган аймак боюнча билдирүү түшкөнүн тастыктады. Ал эми дарыгерлер баланын абалы канааттандырарлык экенин маалымдашты.
