БИШКЕК, 23-фев. — Sputnik. Кыргызстандын футбол боюнча кыздар жана жаштар (U-19) курама командалары Алматыда тажикстандык атаандаштары менен беттешет. Бул тууралуу Футбол федерациясынын маалымат кызматы билдирди.
Эки курама команда алгач Бишкекте окутуу-машыктыруучу оюн өткөрөт. Андан кийин Алматы шаарына барып, 27-февралдан 4-мартка чейин футболдук мелдешке катышат.
Даярдык оюн машыктыруучу Гүлбара Үмөталиеванын жетекчилиги алдына өтөт.
Мелдештин күнү:
28 — февраль, 15:00
- Тажикстан курама командасы (U-19) — Кыргызстан курама командасы (U-19);
1 — март, 15:00
- Тажикстан курама командасы (U-19) — Кыргызстан курама командасы (U-19);
2- март, 15:00
- Кыргызстан курама командасы — Тажикстан курама командасы;
3-март, 15:00
- Кыргызстан курама командасы (U-19) — Тажикстан курама командасы (U-19).
Бардык оюндар "Нархоз" стадионунда өткөрүлөт. Эске салсак, Алматыдагы убакыт менен Бишкек убактысы бирдей эле.
Кыздардын курама командасында учурда 15, ал эми "жаштардыкында" 14 футболчу машыгып жатат.
