БИШКЕК, 17-фев. — Sputnik. Жөө жүргүнчүлөргө ыңгайлуу шарт түзүү максатында архитекторлор тыгын жаралган магистралдарга асма өтмөктөрдү куруу сунушун берди. Бул тууралуу "Бишкекбашкыархитектура" ишканасынан кабарлашты.
Билдирмеге караганда, ишкана асма өтмөктөрдү куруу сунушун мэриянын алдындагы Жер ресурстарын башкаруу башкармалыгына өткөрүп берген.
Өтмөктөрдү төмөнкү көчөлөргө куруу сунушталып жатат:
- Тынчтык проспектиси — Шампанвинкомбинат
- Мамбетов — Шабдан баатыр көчөлөрү ("Мадина" базары)
- Чүй проспектиси — Бейшеналиева көчөсү ("Ош базары")
- Жалил көчөсү менен Жибек-Жолу проспектисинин ортосундагы Шабдан баатыр көчөсү ("Аламүдүн" базары)
- Кыргыз-орус славян университетинин корпусу жайгашкан Лев Толстой көчөсү
- Шопоков көчөсү — Чүй проспектиси.
Учурда ири долбоордун эскизи даярдалып бүттү.
