Мектепте 342 окуучу билим алып келген. Учурда аларды жакынкы мектепке жеткирүү аракеттери көрүлүүдө.
БИШКЕК, 15-фев. — Sputnik. Токтогул районунун Котормо айылындагы чатыры жабыркаган мектептин окуучулары жакынкы мектептерге жеткирилет. Бул тууралу Билим берүү жана илим министрлиги билдирди.
Буга байланыштуу 15-февралда аталган мектепте сабактар токтотулду.
Маалыматка ылайык, 14-февралда Котормо айылынын №18 Чокоев мектебинин чатыры кардын калың жаагандыгынан улам түшүп, дубалдарынан жарака кеткен. Буга байланыштуу 15-февралда аталган мектепте сабактар токтотулду.
Министрлик болсо, кырсык болгон жерге райондук билим берүү бөлүмүнүн кызматкерлери жиберилгенин маалымдады. Андан сырткары, ал жакта райондук бийлик менен Өзгөчө кырдаалдар министрлиги иш алып барууда.
Аталган мектепте 342 окуучу билим алып келген. Учурда аларды жакынкы мектепке жеткирип туруу маселеси каралууда.
Кошумчалай кетсек, Токтогул районунун Котормо айылында жаңы мектеп куруу иши 2015-жылы башталган, бирок азыркыга чейин бүтө элек.
