БИШКЕК, 12-фев. — Sputnik. Кыргызстандын соттолуп чыккан жарандарына жумуш таап берүүгө Улуу Британиянын элчилиги жардам берет. Бул тууралуу Жаза аткаруу мамлекеттик кызматынан билдиришти.
Маалыматка ылайык, түрмөдөн бошогондорду жумуш менен камсыз кылуу маселесин Жаза аткаруу мамлекеттик кызматы элчиликтердин өкүлдөрү жана ишкерлер менен биргеликте тегерек стол үстүндө талкуулашкан.
Жыйын "түрмөгө түшкөндөрдүн санын кыскартуу, соттолуп чыккандарды жумуш менен камсыз кылууну өнүктүрүү жана аларды бошонуп чыккандан кийин тарбиялоо" долбоорунун алкагында уюштурулган.
Катышуучулар жумуш орундар жарманкесин уюштуруу айрыкча түрмөдөн жаңы бошонуп чыккандарга багытталышы керектигин белгилешкен.
