БИШКЕК, 12-фев. — Sputnik. Германия кыргызстандык үч баланы бекер дарылоого даяр экенин Кыргызстандын Саламаттык сактоо министрлигинен кабарлашты.
Мындай кызмат Саламаттык сактоо министрлигинин Friedensdorf International кайрымдуулук уюму менен болгон келишимдин алкагында көрсөтүлгөнү жатат.
Маалыматка караганда, Айзирек, Акылай жана Шатман бүгүн жолго чыгышат. Бир нече күндөн кийин эки бала мекенге кайра кайтып келишет.
Friedensdorf International уюму оорулуу балдарга бекер жардам көрсөтүп, дүйнөнүн 20 мамлекети менен кызматташып келет. Кыргызстан бул программага 2013-жылы кошулуп, диагнозу начар балдарды тандоо боюнча төрт акция өткөрүүгө жетишкен. Катардагы акция март айында Ош облусунда өтөт.
Өткөн төрт жылдын ичинде бекер дарылануу үчүн болгону 29 бала чакырылган. Учурда Германиянын клиникаларында жети кыргызстандык кичинекей бейтап бар.
