БИШКЕК, 8-фев. — Sputnik. Бишкектеги "Бишкек-2" темир жол вокзалы жактан тапанча көтөрүп жүргөн 27 жаштагы киши кармалганын ИИМдин маалымат кызматы билдирди.
Маалыматка ылайык, 7-февралда болжол менен саат 17.30дар чамасында милиция кызматкерлери шектүү жаранды байкашкан. Документтерин сураганда анын күрмөсүнүн алдынан тапанчага окшогон буюм чыгып турганы көзгө урунган. Текшерүүгө алганда жанынан тапанча табылган.
Учурда кармалган жаранга карата мыйзамсыз курал-жарак алып жүрүү беренеси боюнча кылмыш иши козголуп, убактылуу кармоо жайына киргизилди. Тергөө амалдары жүрүүдө.
