БИШКЕК, 6-фев. — Sputnik. Кытайдагы станциялардын биринде поезд менен платформанын ортосуна түшүп кеткен үч жашар кызды өтүп бараткандар сактап калышты. Бул туурасында РИА Новости Синьхуа агенттигине шилтеме кылып жазды.
Маалыматта кичинекей кыз поезддин жөнөөрүнө бир мүнөт калганда темир жолдон кулап түшкөндүгү айтылат.
Видеокамерага токтоп турган поездге чуркап келген кыз бала кокусунан платформа менен поезддин ортосуна түшүп кетип, окуядан кийин чебелектеп чуркаган аял, андан кийин жардамга келген адамдар тартылып калган. Ал эми станциянын кызматкери поезддин баш жагын көздөй чуркап, акыры топтолушкан эл кызды түшүп кеткен жеринен сууруп чыкканын көрүүгө болот.
