БИШКЕК, 28-янв. — Sputnik. Дүйнөлүк атакка ээ болгон британиялык актер Жон Хёрт 77 жашында дүйнө салды. Бул туурасында РИА Новости Hollywood Reporter басылмасына шилтеме берип кабарлады.
Independent гезити 2015-жылдын июнь айында дарыгерлер Хёрттун рак оорусуна кабылганын аныктап, бирок актер ооруну жеңгендигин жазган.
Mirror басылмасы Хёрт ашказан-ичеги ооруларынын каза болушу мүмкүндүгүн жазды.
Хёрт Гарри Поттер жөнүндө тасмаларда сыйкырдуу таякчаларды саткан дүкөндө сатуучунун ролун аткарган. Андан сырткары "Меланхолия", "1984", "Чоочун", "Индиана Жонс жана хрусталь баш сөөгүнүн падышалыгы" сыяктуу бир катар тасмаларда ойногон.
2014-жылы рыцарь наамына татыган.
Хёрт — британиялык BAFTA сыйлыгынын төрт ирет жеңүүчүсү жана америкалык "Алтын глобус" сыйлыгынын лауреаты болгон. "Оскарга" да эки ирет талапкер болгон.
