БИШКЕК, 25-янв. — Sputnik. Өлкөдө сасык тумоо боюнча кырдаал туруктуу. Бул тууралуу Саламаттык сактоо министрлигинин маалымат кызматы билдирди.
Маалыматка караганда, акыркы бир ай ичинде ооругандардын саны кескин өскөн эмес.
"9-январдан 15-январга чейин өлкөдө сасык тумоо менен ооруп дарыгерлерге кайрылгандардын саны 7479ду түзсө, бир жумадан кийин (16-январдан 22-январга чейин) алардын саны 7860га жеткен. Сасык тумоого кабылгандар Ысык-Көл облусунда 69 пайыз, Баткенде 48,8 пайыз жана Чүйдө 29,4 пайызга өскөнү байкалган ", — деп жазылат билдирүүдө.
Учурда мектептер менен бала бакчалар текшерүүгө алынып, сасык тумоонун белгиси катталган балдар үйлөрүнө жөнөтүлүп жатат.
