БИШКЕК, 25-янв. — Sputnik. Алдын ала маалыматтар боюнча "Манас" аэропортуна жакын аймакка кыйраган учактын айынан 186,5 миллион сом зыян келтирилген. Бул тууралуу Sputnik Кыргызстан агенттигине Өзгөчө кырдаалдар министринин орун басары Калыс Ахматов билдирди.
Буга чейин Дача айылындагы авиакырсыктан улам 23 турак-жай талкалангандыгы маалымдалган.
"Жарандык коргонуунун алдын ала эсептөөсү боюнча кырсыктын айынан 186,5 миллион сом зыян келтирилген", — деди Ахматов.
Эске салсак, 16-январда Boeing-747 учагы "Манас" эл аралык аба майданынын жанындагы Дача айылына кулап, анын кесепетинен 39 киши каза болгон, алардын төртөө экипаж мүчөлөрү эле.
