Азамат Жаналиев: Дубайда үч айдын ичинде 14 сүрөт тартып үлгүрүшүм керек
Кыргызстандык сүрөтчү Азамат Жаналиев үч айдын ичинде 14 сүрөт тартып үлгүрүшү керектигин билдирди.
"Учурда тарткан сүрөттөрүмдүн саны 7-8ге жетти. Мындан улам көргөзмө уюштуруу зарылчылыгы дагы пайда болду. Аталган иш-чара дүйнө жүзү боюнча биринчи жолу өтөт. Мухаммед Али, Майкл Жексон сыяктуу жети атактуу инсандын сүрөтүн жана жети араб шейхин тартам", —деди Жаналиев.
Ошондой эле ал учурда Дубайдын шейхинин сүрөтүн алтын мык жана алтын жип колдонуп тартуу боюнча сүйлөшүлөр болуп жаткандыгын кошумчалады.
Азамат Жаналиев буга чейин Саякбай Каралаев, Ахмад Кадыров, Владимир Путин, Пётр Iдин жана Чыңгыз Айтматовдун сүрөттөрүн стринг-арт ыкмасы менен тартып, коомчулуктун назарына сунуштаган.
