БИШКЕК, 16-янв. — Sputnik. Кыйраган учактын жанында мародерлор жок. Бул тууралуу Sputnik Кыргызстан агенттигине ИИМ билдирди.
Белгилей кетсек, бүгүн эртең менен Гонконг-Стамбул каттамы менен келе жаткан Boeing – 747 жүк ташуучу учагы "Манас" аэропортуна жакын Дача-Суу айылына кулап түшкөн. Алдын ала маалыматтар боюнча кырсыктан каза болгондордун саны 34 кишиге жетти. Учактын кулашынан улам 23 үй жабыркады.
Буга чейин күбөлөр кырсык болгон жерде мародерлор жүргөндүгүн кабарлашкан.
"Манас" аэропортунун жака белиндеги Boeing-747 учагынын кыйрашы
