Ажимурат Жолдошов: Оштогу Токтогул паркын оңдоого архитекторлор жардам берет
Шаар куруу жана архитектура боюнча Ош шаардык башкы башкармалыгынын эмгек жамааты калаадагы Токтогул Сатылганов атындагы эс алуучу жайды оңдоп-түзөө иштерине бир күндүк эмгек акысын которуп бергендиги тууралуу аталган башкармалыктын башкы архитектору Ажимурат Жолдошов билдирди.
"Учурда башкармалыкта 92 адам эмгектенет. Бардык кызматкерлер демилге көтөрүп, Ош шаарынын жашоочулары эс ала турган сейил бактын оңдолушун колдоого алышты", — деди Жолдошов.
Ал ошондой эле Токтогул Сатылганов атындагы эс алуучу жайды оңдоп-түзөө төрт этап менен ишке ашырылаарын белгиледи.
