БИШКЕК, 14-янв. — Sputnik. Бишкекте коомдук ажаткана куруу иштери уланып жатканын мэрия билдирди.
Маалыматка ылайык, учурда борбор калаада үч ажаткана иштеп жатат. Анын бири ноябрь айында бүтүп, улуттук филармониянын түндүк-батыш тарабына орнотулса, азыр Раззаков көчөсү менен Киев көчөлөрүнө салынып жаткан эки ажаткананын курулушу аягына чыкты.
"Дааратканада үч кабина бар, анын бири майып адамдар үчүн ылайыкташкан. Пандустар орнотулуп, коляска үчүн аянтча каралган. Туалетке кирүү акысы 10 сом болот", — деп айтылат билдирүүдө.
Учурда курулуп бүткөн ажатканалар "Зеленстрой" ишканасынын балансына өткөрүп берилди.
Мындан сырткары 2017-жылдан тарта борбордун бир катар жерлерине да ажатканалар курула баштайт. Аларды кайсыл жерлерге куруу керектигин атайын комиссия аныктаган.
- Пушкин — Тыныстанов көчөлөрүнүн кесилишиде;
- Горький атындагы сейил багы;
- Чыңгыз Айтматов атындагы сейил багы;
- Эркиндик бульвары менен Бөкөнбаев көчөлөрүнүн кесилишинде;
- Ала-Арча – Махатма Ганди көчөлөрүнүн кесилиши;
- Рыскулов – Коенкозов көчөлөрүнүн кесилиши;
- Дайыр Асанов атындагы Жеңиш паркы;
- Бишкектин 125 жылдыгына арналган маданият жана эс алуу паркынын аймагы;
- Ата Түрк паркынын айланасы, Шакиров көчөсү;
- Жантөшев көчөсү; Рыскулов – Жаш Гвардия бульвары;
- Айни – Дагенстан көчөлөрүнүн кесилиши;
- Москва – Жаш Гвардия бульвары;
- Фучик паркы;
- Чүй проспектиси – Абдырахманов көчөлөрүнүн кесилиши;
- Абдырахманов – Фрунзе көчөлөрүнүн кесилиши.
Салына турчу коомдук ажатканалар бардык санитардык талаптарга жооп берип, шаардык бюджеттен каржыланмакчы.
Бишкекте курула турган 18 ажаткананын картасын Sputnik Кыргызстан материалынан көрүңүз>>
