Элчибек Кадырбеков: комузга караганда сыбызгы үйрөнүү жеңилирээк
Кичинесинен сыбызгы ойногон Элчибек Кадырбеков улуттук аспапта заманбап дүйнөлүк хиттерди аткарып, интернет айдыңында жагымдуу жаңылык жаратты.
"Мектепте музыка сабагынан берген агайымдын камыштан жасалган сыбызгысына окшоштуруп, атам желим шлангдан өзүндөй кылып сыбызгы жасап берген. Ошентип сыбызгыны кичинемден баштап эле ойноп калдым. Комузга караганда сыбызгыны үйрөнүү жеңилирээк. Башкысы каалооң күчтүү болуш керек. Сыбызгыда дүйнөлүк жана ата мекендик хиттерди аткарууга көптөн бери кызыкчумун. Акыры байкап көрсөм, жаман болгон жок", — деди Кадырбеков.
Элчибек учурда туризм тармагында эмгектенип келет.
