БИШКЕК, 11-янв. — Sputnik. Facebook видеороликтер ортосунда реклама берүүнү тесттен өткөрүп жатат деп билдирди америкалык Wall Street Journal басылмасы.
Маалыматтарга караганда, видероликти көргөн 20 секундадан кийин реклама пайда болот. Муну менен роликтин узактыгы 90 секундадан көп болбошу керек деген талап коюлган.
Басылма рекламанын мындай жаңы түрү медиа-компанияларга жана кызыкдар болгон тараптар арасында видео көрүүчүлөрүн арбытып, видеочулар үчүн соцтармакты дагы кызыктуу кылат деп жазган.
Wall Street Journal басылмасынын маалыматына караганда, рекламадан түшкөн пайданын 55 пайызын видеонун авторлору менен бөлүшөт.
Facebook өкүлдөрү азырынча мындай маалыматка комментарий бере элек.
