БИШКЕК, 7-янв. — Sputnik. Буга чейин АКШнын президенттигине талапкерлигин койгон Хиллари Клинтон эми Нью-Йорк шаарынын мэрлигине аттанышы мүмкүн. Бул тууралуу РИА Новости New York Daily News басылмасына шилтеме берүү менен жазып чыкты.
Маалыматка караганда, New York Daily News басылмасынын чоң кызматтагы маектеши Клинтон АКШдагы эң ири шаарлардын бири болгон Нью-Йоркко мэр болуу үчүн шайлоого катышарын четке какпагандыгын билдирген. Калаанын учурдагы мэри Билла де Блазионун кызматтык мөөнөтү жыл акырында аяктары маалыматта белгиленген.
Хиллари Клинтон өткөн жылдын 8-ноябрында АКШнын президенттигине ат салышып, шайлоонун жыйынтыгында республикачыл Дональд Трампка жеңилип калган.
