БИШКЕК, 26-дек. — Sputnik. Индиянын Керала штатындагы зыярат учурунда элдин көптүгүнөн жөөлөшүү болуп, 40 киши жабыркады. Бул туурасында РИА Новости IANS агенттигине шилтеме кылып кабарлады.
Буга чейин 25 кишинин жабыркаганы, алардин ичинен экөөнүн оор абалда жатканы кабарланган.
Кийинчерээк ага дагы бирөө кошулуп, учурда үч кишинин абалы начар экендиги айтылды.
"Азыр жабыркагандар дарыгерлердин кароосунда турушат. Абал толугу менен көзөмөлдө", — деп билдиришти жергиликтүү бийлик өкүлдөрү.
Окуя жекшемби күнү жергиликтүү калктын сыйына турган ири жайларынан бири Сабаримала борборунда болгон. Окуяга күбө болгондор жөөлөшүү адамдардын сыйынып жаткан катарды бузуп, ашыкча аракеттерди жасап жибергенинен улам пайда болгонун айтышкан.
