БИШКЕК, 22-дек. — Sputnik. Президент Алмазбек Атамбаев Өзбекстанга иш сапары менен барат. Бул тууралуу президенттин аппаратынын тышкы саясат бөлүмүнүн жетекчиси Сапар Исаков маалымат жыйын учурунда билдирди.
Анын айтымында, Атамбаев 24-декабрь күнү Самаркандда өзбек президенти Шавкат Мирзиеев менен кезигет.
"Менин билишимче Мирзиеев кызматка киришкенден бери биринчи ирет башка өлкөнүн президенти менен жолугушат. Анда тараптар эки өлкө үчүн маанилүү болгон маселелерди талкуулайт", — деди Исаков.
Ал президент Атамбаев Өзбекстандын мурунку өлкө башчысы Ислам Каримовдун мүрзөсүнө куран түшүрөөрүн кошумчалады.
