БИШКЕК, 19-дек. — Sputnik. Новопокровка айылында Volkswagen Transporter үлгүсүндөгү автоунаа кызды коюп кеткенин Бишкек ШИИБдин Кайгуул милициясы билдирди.
"Болжол менен саат 12:40да жол кырсыгы катталган. Айдоочу баланы машинага салып Бишкек тарапка алып кеткен", — деп Кайгуул милициясы маалымдады.
Бишкек шаардык травматология жана ортопедия илим изилдөө борборунан аларга 15 жаштардагы кыз оор абалда алынып келингенин билдиришти. Учурда ал жандандыруу бөлүмүндө.
