Памирдеги этникалык кыргыздарга жардам берүү маселеси талкууланды

© Фото / пресс-служба Государственной службы миграцииЖизнь и быт памирских кыргызов в новых кадрах
Жизнь и быт памирских кыргызов в новых кадрах - Sputnik Кыргызстан
Жазылуу
Жыйында Памирдеги этникалык кыргыздарга көмөк көрсөтүү боюнча 2017-жылга карата иш-чаралардын планы талкууланды.

БИШКЕК, 16-дек. — Sputnik. Вице-премьер Чолпон Султанбекова Улуу жана Кичи Памирде (Афганистан) жашаган этникалык кыргыздарга колдоо көрсөтүү боюнча кеңешме өткөргөнүн өкмөттүн маалымат кызматы билдирди.

Жыйында Памирдеги этникалык кыргыздарга көмөк көрсөтүү боюнча 2017-жылга карата иш-чаралардын планы талкууланды.

"Мамлекеттик миграция кызматынын төрага орун басары Алмазбек Асанбаев Кичи Памирде 208 үй-бүлө, ал эми Улуу Памирде болжол менен 273 үй-бүлө жашаарын айтты. Учурда этникалык кыргыздардын жалпы саны эки миңге жакын адамды түзөт. Этникалык кыргыздар менен болгон жолугушууларда алардын социалдык-экономикалык абалына, тактап айтканда, билим берүү жана саламаттык сактоо маселелерине тийиштүү көйгөйлөр козголгон", — деп айтылат маалыматта.

Вице-премьер-министрге ушул жылдын октябрь айында Кичи жана Улуу Памирге гуманитардык жардам жеткирген экспедициялык топтун иш сапары тууралуу маалымат берилди.

Эскерте кетсек, премьердин буйругу менен Улуу жана Кичи Памирге гуманитардык жардам жеткирилген. Ага кыргыз өкмөтү тарабынан 10 миллион сом каражат бөлүнгөн.

Жаңылыктар түрмөгү
0