БИШКЕК, 15-дек. — Sputnik. Европа Биримдиги Россияга каршы экономикалык чектөөлөрдү быйыл бир жарым жылга узартышы мүмкүндүгүн Европа кеңешиндеги булак журналисттерге билдиргенин РИА Новости маалымат агенттиги билдирди.
Буга чейин маалымдалгандай, Франция менен Германиянын лидерлери Франсуа Олланд менен Ангела Меркель Европа Биримдигине мүчө мамлекеттердин жетекчилерине Россияга карата киргизилген экономикалык чектөөлөрдү узартууну сунуштай турганы маалымдалган. Эске салсак, Россияга киргизилген санкция 2017-жылдын январында аягына чыгат.
Маалым болгондой бул маселени Европа Биримдигине мүчө мамлекеттер 15-декабрдагы саммитте талкуулашат.
Украинадагы абалдан улам Россия менен Батыштын ортосундагы мамиле начарлап кеткен. Алгач Россиянын айрым аткаминерлерине карата санкция киргизилсе, кийин ал экономикалык мүнөзгө өткөн. Буга жооп катары Россия Европадан келген айрым товарларга чектөө койгон. Европа Россияга киргизген чектөөлөрүн бир нече ирет узарткан. Акыркысы 2017-жылдын январь айынын аягында аяктамак.
