БИШКЕК, 12-дек. — Sputnik. 12-декабрдан тарта Аи-80, Аи-92 жана Аи-95 үлгүлөрүндөгү бензиндин баасы бир сомго, дизель майынынын литри 50 тыйынга кымбаттады. Бул тууралуу Кыргызстан нефтетрейдерлер ассоциациясынан билдиришти.
Маалыматка караганда кара майдын чекене баасынын кымбатташы Россиянын нефть азыктар рыногундагы дүң баанын көтөрүлүшү менен байланыштуу. Тактап айтканда, бензин менен дизель майынын баасы жеткирип берүү акысын кошкондо ноябрь айына салыштырмашуу декабрда 10 пайызга көтөрүлгөн.
Анткен менен автоунаалар колдонгон суюлтулган газдын баасы 50 тыйынга арзандаганы айтылды.
