БИШКЕК, 10-дек. — Sputnik. Базар-Коргондогу дин кызматкерлеринин демилгеси менен жакыр үй-бүлөлөргө 50 тонна көмүр түшүрүлдү. Бул тууралуу муфтияттан кабарлашты.
Маалыматка караганда, Жалал-Абад облусунун Базар-Коргон районунун имамы менен облустук казыяттын иш бакшармалыгынын башчысы көмүрдү жетим-жесирлерге, жакыр үй-бүлөлөргө берүүнү демилгелеген.
"Ал эми уюштуруу иштерин райондук хатибият колго алып, жергиликтүү демөөрчүлөрдүн жардамы аркасында ишке ашырылды", — деп айтылат маалыматта.
50 тонна көмүр муктаж адамдарга толук таратылып берилген.
