Кыргызстан КМШ мамлекеттери ичинен Европанын кара тизмесиндеги жалгыз өлкө болуп калды

Жазылуу
НовостиTelegram
Буга чейин Европа Биримдигинин "кара тизмесине" Кыргызстан менен Казакстандын авиакомпаниялары кирген. Бүгүн Казакстандын авиакомпаниялары аталган тизмеден чыгарылганы маалым болду.

БИШКЕК, 8-дек. — Sputnik. Европа комиссиясы бүгүн Европа Биримдигине мүчө мамлекеттердин аймагына учуп келүүгө тыюу салынган авиакомпаниялардын жаңыланган "кара тизмесин" жарыялады. Жаңы тизмеде КМШ мамлекеттеринин ичинен Кыргызстандагы авиакомпаниялар гана калган.

Кыргызстандагы Тамчыдагы аэропорттогу жүргүнчүлөр. Архивдик сүрөт - Sputnik Кыргызстан
Жердин үстү, көктүн алды менен... Жарандык авиациянын жагдайы
Буга чейинки тизмеде Казакстандагы Air Astana авиакомпаниясынан башка бардык компаниялар кирген болчу. Эми алардын бардыгы чыгарылды. Тыюу салынган 18 мамлекеттеги 193 компаниянын 13 Кыргызстанда катталган.

Ошол эле учурда Жарандык авиация агенттигинин директорунун орун басары Бакыт Жунушалиев постсоветтик өлкөлөр арасындагы тизмеде Кыргызстан менен Казакстандын авиакомпаниялары акыркы орундарда туруп келгенин белгиледи. Эми болсо Кыргызстандын гана авиакомпаниялары калган.

"Биз кара тизмеден чыгуу аракеттерин көрүп жатабыз", — деп кошумчалады Жунушалиев.

"Кара тизмеден чыгуу" жаңы аба каттамдарына жол ачуу менен чектелбестен камсыздандыруу төлөмдөрүн азайтуу менен учактардын ижара баасын арзандатат. Себеби учак берүүчүлөр менен камсыздандыруу компаниялары "кара тизмеге" киргендерге абайлап мамиле жасашат.

Кыргызстанда кайсы аэропорт жабылышы ыктымал, канча учак "конушу" бар, аба кемелеринин саны канча, учкучтар жетиштүүбү деген суроолорго жоопту Sputnik Кыргызстан инфографикасынан караңыз>> 

Жаңылыктар түрмөгү
0