БИШКЕК, 8-дек. — Sputnik. 9-декабрда Нарын облусунан башка аймактарда аба ырайы нөлдөн жогору болорун Кыргызгидромет билдирди.
Маалыматка ылайык, түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда жаан жаап, тоо этектерине жана тоолуу райондорго кар түшөт. Күндүз көпчүлүк аймактарда жаан-чачын күтүлөт. Жолдор тайгак жана тоңголок болуп, тоолуу аймактарда кар күрткүсү пайда болот. Батыштан соккон шамалдын ылдамдыгы секундасына 4-9 метрден, кээ бир райондордо 14 метрге жетиши мүмкүн.
Чүй жана Талас өрөөнүндө 4 градус жылуу, Ош, Жалал-Абад, Баткен облустарынын дыйканчылык аймактарында 8 градуска чейин жылуу, Ысык-Көлдө 5 грудас жылуу болсо, Нарында 8 градус суук болот.
